ငွေတိုက်ဦးစီးဌာနဖွဲ့စည်းတည်ထောင်ခြင်း
၁။ စီမံကိန်းနှင့်ဘဏ္ဍာရေးဝန်ကြီးဌာန၊ ငွေတိုက်ဦးစီးဌာနအား ၂၀၁၄ ခုနှစ်၊ ဇွန်လ ၁၉ ရက်နေ့ တွင် ကျင်းပသည့် ပြည်ထောင်စုအစိုးရအဖွဲ့၏ အစည်းအဝေးအမှတ်
စဉ် (၁၂/၂၀၁၄) မှ ဌာနခွဲ (၆) ခုအတွက် အရာထမ်း (၁၇၅) နေရာ၊ အမှုထမ်း (၃၅၇) နေရာ၊ စုစုပေါင်း (၅၃၂) နေရာဖြင့် ဖွဲ့စည်းခွင့်ပြုခဲ့ပါသည်။
၂။ ၂၀၁၄ ခုနှစ်၊ စက်တင်ဘာလ ၁ ရက်နေ့တွင် ငွေတိုက်ဦးစီးဌာနဖွင့်ပွဲကို စီမံကိန်းနှင့်ဘဏ္ဍာရေးဝန်ကြီးဌာန၊ ရုံးအမှတ် (၃၄)၊ နေပြည်တော်၌ ကျင်းပခဲ့ပါသည်။
၃။ ငွေတိုက်ဦးစီးဌာန၏လုပ်ငန်းများကိုအခြေခံ၍ အောက်ပါဌာနခွဲများနှင့် ဖွဲ့စည်းထားပါသည်-
(က) ငွေကြေးစီမံခန့်ခွဲမှုဌာနခွဲ
(ခ) ကြွေးမြီစီမံခန့်ခွဲမှုဌာနခွဲ
(ဂ) စာရင်းပေါင်းချုပ်ပြုစုရေးနှင့်အစီရင်ခံရေးဌာနခွဲ
(ဃ) ငွေတိုက်ရေးရာမူဝါဒနှင့်အရည်အသွေးမြှင့်တင်မှုဆိုင်ရာဌာနခွဲ
(င) သတင်းအချက်အလက်နှင့်နည်းပညာဌာနခွဲ
(စ) စီမံရေးရာနှင့် ငွေစာရင်းဌာနခွဲ
.png)